لقطة قريب متوسطة لعلي يضحك في مزيج من السخرية والمداعبة. علي: خمس تلاف إيه؟ أنت اتجننت ياولة. بكر: في غضب.. يورغو يرص الصناديق الدخان المحل. علي وبكر جالسين أمام المحل.. بكر: هو لما أحب اشتغل ابقي إتجننت. علي: لأ.. تبقي عقلت.. بس الشغل أهو مرطرط عندك.. في الوكالة روح أقف مع ابن عمك.. إيدك على إيده يعلمك.. يقاطعه في غضب.. علي: ما...
قراءة الكل
لقطة قريب متوسطة لعلي يضحك في مزيج من السخرية والمداعبة. علي: خمس تلاف إيه؟ أنت اتجننت ياولة. بكر: في غضب.. يورغو يرص الصناديق الدخان المحل. علي وبكر جالسين أمام المحل.. بكر: هو لما أحب اشتغل ابقي إتجننت. علي: لأ.. تبقي عقلت.. بس الشغل أهو مرطرط عندك.. في الوكالة روح أقف مع ابن عمك.. إيدك على إيده يعلمك.. يقاطعه في غضب.. علي: ما تتحمقليش قوي كدة.. كان زمانك أنت المعلم وكل مصاريني في أيدك.. لكن من صغرك مالكش تقل على حاجة.. في الأول قلت لي أتعلم.. دخلتك المدارس لعبت وسقطت ورفدوك.. قلت لي يابا ماليش في المدارس.. اشتغل في السوق.. قعدتك معايا في الوكالة.. ما طقتش يومين وهربت بعد ما كنت حتخربها. بكر: آني خلاص عقلت.. الدنيا مش لعب على طول.. بانبساط.. علي: الله ينور عليك.. عرفت إنها اتنين اتنين.. طول عمري أقول لك أنت واخدها واحد بس.. مداعباً... بكر: فهمناها يا حاج.. زي أم كلثوم ما بتقول أهو من ده وده.. وعبد الحليم بيقول كمان جد ولعب وحب.. يضحك في صخب.. علي: آهو كدة.. عايزين نفرحوا بيك ونجوزوك يا وله.. بكر: أيدي على كتفك يا أبو بكر.. البت بدرية فرفرت والفاتحة اللي قرتها مش كفاية.. علي: استبينا.. اركز في الوكالة ووريني الشطارة وآني نرقصوا في زفتك أول ما يعمر مولد أبو العباس.. بكر: سيبني أوريك شطارتي بعيد عن يونس والوكالة.. بصرامة مفاجئة.. علي: ما فيش فلوس.. قطع