سموا كــده وخليكوا معايا واحدة واحدة .. خلينا نتفق ان وسائل التواصل بين العشاق تطورت كتير عن زمــــــان ..من البريد الطائر إلى البريد الإلكترونى وما بينهما من صورة البوسطجى حامل كلمات الحــب فى حقيبة يد لونها وردى وعليها وردة بيضا (خيالى واسع) .من زمن الحمام الزاجل .. حيث كانت تطير رسائل العشاق فى الهواء ناثرةً حولها هالات من أل...
قراءة الكل
سموا كــده وخليكوا معايا واحدة واحدة .. خلينا نتفق ان وسائل التواصل بين العشاق تطورت كتير عن زمــــــان ..من البريد الطائر إلى البريد الإلكترونى وما بينهما من صورة البوسطجى حامل كلمات الحــب فى حقيبة يد لونها وردى وعليها وردة بيضا (خيالى واسع) .من زمن الحمام الزاجل .. حيث كانت تطير رسائل العشاق فى الهواء ناثرةً حولها هالات من ألوان الطيف التى لازلنا نراها الى اليوم (ايه الكدب ده) .. مــروراً بساعى البريد حيث الصورة القديمة للبنت هتموت من الفرحة وهــــو داخل باب عمارتهم وفجأة يضرب الجرس تقوم تاخد الجواب وتجرى على اوضتها وتترمى على السرير وعلى وجهها ابتسامة خفيفة وفجأة تفتح الجواب تلاقيه طلب التجنيد بتاع اخوها (ايه الفصلان ده) .تطور الوضع الآن إلى عصـــــــر الجوال والـ(BBM) أو الـ(SMS) والـ(blackberry) والـ(E-mail) والـ (facebook) وغيرها .. الموضوع دلـــوقتى بقى أسهل من المكرونة الاندومى فى أى وقت ولكل حد بضغطة زر هتوصل رسالتك للمحبوبة ومش بعيد تلاقيها اونلاين وتكلمها فيديو كام ..زمان كان فيه رومانسية عن دلوقتى حيث كـــانت رائحة الحبر ومش بعيد المنيل على عينه يكون معطر الجواب كمان بريحة (سيفن اب)..وكـانوا بيستنوا الجوابات كل اسبوع فكان لها طعم تانى .. اما دلوقتى فغالبا بتلاقى الــوندوز واقع او الكودك مش شغال او الفلاش بلاير عايز يتحدث .. فجو الرومـــانسية بتاع زمان ده خلاص مبقاش موجود .نرجع تانى لموضوعنا .. هو أنا ليه شاغل دماغى بالـــكلام بين الحبيبة ! وخصوصا حبيبة الانبوكسات ! مـش فـيـه قـضايـا كـبـيـرة أهـم وأنـفـع لي ولــديـنى ووطنـى من الموضوع ده !وكل واحد حر يا سيدى .. مش كل البنات نيتها وحشة ذيك ! ومش كل الولاد ذئاب بشرية ذى ماانت فاكر ! انت انـــــسان معقد وبتسيىء لنفسك ومجتمعك ! وتفكيرك سطحى ! وانفسطائى (ايه انفسطائى ده !) ..بصراحة أنا مفكرتش فى يوم إنى أكتب فى حاجة ذى كده .. انا ليا اصدقاء كتير مــن كل الفئات .. صداقات بحكم الجيران ’ وصداقات بحكم المـــدينة الجامعية ’ وصداقات بحكم الدراسة الجامعية .. ممكن أقول وبكل أسف إن 85% من الشباب اللى عـــرفتهم بيكلموا بنات ع الفيس .. آه والله وممكن يكون من المدافعين وبقوة عن دينه وميستحملش كلمة على دينه او شيخ لـــــــكنه عنده مشكلة فى الجزئية دى و80% من الشـــــباب دول نفسهم يتوبوا لكن مش عارفين اذاى او ان شئت قل مش قادرين ..عاوزك تتخيل معايا بيت من بيوتنا :الأب والأم فى الـصـالــة بيشوفوا الـحـلـقـة 988 مــن الـمـسـلـسـل الـتـركـــــــى "لن أعيش فى جلباب ابى" .. بينما الإبن والإبنة كل واحد فى مكتبه ويـكأنه بيذاكر .بينما الإبن قاعد يتسلى بالكلام مع بنات الناس ... والبنت بتتسلى بالــــكلام مع ولاد الناس .. وكل واحد فاكر نفسه راجل بشنبات ومـحـافـظ عـلـى أهــل بيته..مـعلش ما هى "كما تدين تدان" ..وأنا باخد رأى اصحابى بقولهم لو انا عاوز اتجوز واحدة عمرها ما كـــلمت اولاد قبل كده اجيبها منين !!فكلهم ضحكوا وهزوا دماغهم متأثرين .. بقت عــــملة نادرة دلوقتى انك تلاقى زوجة خام .. عارف قول السيدة مريم "ولم يمسسنى بشر" !! لـــــم يمسسها بشر بكل ما تحمله من معنى !! لا نظرة ولا كلمة ولا ضحكة ولاهزار !! أجيبها منين !! وكذلك بالنسبة للبنات بقت عُملة نادرة انها تلاقى زوج خام ليها هى لــــــــوحدها !!أنا شايف ان الموضوع مهم جدا وبالأهمية بما كان انى افرد له صفحات من كتاباتى لعل الله ينفع بنا احدا فيكون خيرا لنا من الدنيا وما فيها ..الصفحات دى ممكن تعتبرها تجميع لآراء ناس كتير استفدت من خبراتهم فى المجال ده .. طبعا بشكرهم انهم اتاحوا لي الفرصة انى اشوف حواراتهم وكيف بدأت وانتهت وكيف تطورت !! وكذلك استعنت ببعض المقالات من النت وكتابات بعض الاخوة ع الفيس .. لن يسعفنى الوقت فى سرد الأسماء ولـيـبـقوا هم النجوم الأخفياء ..هتـلاقـوا شوية منها فصحى وشوية عامية .. ســـرد عفوى وأتمنى أن يكون مفيد ويؤتى ثمارهخليكوا معايا بقى واوعو تعملوا ذى حالاتى تقرأوا 10 صفحات وتــــقــفلوا الكتاب ,, صدقونى حتى لو لم تستفيدوا من الموضوع شخصياً . فمننا ليهم اخوات اصغر منهم وفى المستقبل هيكون لهم أولاد ولازم تفهموا اذاى الموضوع بــيبدأ عــلشان تعرفوا تحموهم كويس ...