زوجة مخنوقة من نفسها

الى كل زوجة مخنوقة من نفسها زيى ويمكن أكتر منى بس مش قادرة تقول وتعبر عن نفسها..اقرى يا حبيبتى وفضفضى وماتخليش حاجة فى نفسك، الى كل زوج شايف ان مراته "مصيبة سودا" فأهدى له هذا الكتاب من باب ان اللى يشوف بلاوى الناس تهون عليه بلوته، وبالتالى يروح يبوس ايد مراته وش وظهر، وأخيرا الى كل واحدة بتحلم بالجواز..اصحى ونامى تانى يمكن الحلم يتغير.. وماتحسبوش يا بنات ان الجواز راحة... زمان قالوها حكمة "صاحب بالين كداب وتلاتة منافق" وفى الزمن ده يا حبيبتى لو عايزة تتجوزى وتخلفى وتشتغلى وتعيشى سليمة وفى بيت نضيف وفيه أكل لازم تتخطى امكانيات المنافقين كمان،مش بقول لكم "أموت وأعرف مين اللى زقنى؟".