محمد فايز

البداية : محمد احمد فايز، مواليد ٢٧ يناير، في القاهرة البداية كانت باغاني طفولية وقصص مالهاش اي معنى وهو عنده ٥ سنين مكانش متخيل ان الكتابة حاجة صعبة وانه موهوب.. كان فاكر اي حد ممكن يكتب اغاني ويتكلم كلام مقفى.. درس الرسوم المتحركة والجرافيكس في كلية الفنون الجميلة بالزمالك ودا بعد ما خلص المدرسة في ليسيه الحرية، مصر الجديدةتحويل مسار: اشتغل محمد سنين كمونتير لكن ماقدرش يبطل كتابة عن كل حاجة واي حاجة. وعشان كدا.. بدأ يحول مساره.. ويرجع لقواعده بسلام.. في ناس كتير كان لهم دور اساسي في اتخاذ القرار دا (يمكن هما مش عارفين) بوقوفهم جنبه.. وتشجيعهم.. ودا خلاه يكتسب الثقة اللي خلته ياخد قرار احتراف الكتابة. اعلانات وسيناريو في ٢٠٠٧ اصبح كاتب سيناريو واعلانات في شركة “اروما كرييتفز” AROMA Creatives وفي ٢٠١٠ عدي من امتحانات السيناريو بمدرسة "سينيكوور" الفرنسية والتحق في ٢٠١٢ باكاديمية رأفت الميهي بالقاهرة عشان يكمل دراسة سيناريواغاني في ٢٠٠٤ محمد شارك مع محمود العسيلي في كتابة اغنيتين في اول البوماته وهم: صالحني.. وتبات ونبات. وبعدهم كتب: اكيد في مصر، وكدا اثبت في اول اغنياته ان السنين اللي فاتت ماراحتش هدر.. وانه ممكن لسة ينافس. وبعدها كملت الاغاني مع عسيلي وقماح واحمد العطار وهاني عادل ونادر نور وفريق سلالمديزني: اهتمام اي حد بافلام ديزني.. يختلف عن اهتمام دارس الرسوم المتحركة.. وبما ان محمد دارس رسوم متحركة وعاشق لافلام ديزني.. فكان من احلامه انه يشارك في عمل من اعمالهم باي شكل.. وزاد الحلم لما زار ديزني لاند في الولايات المتحدة وتزامن مع عمل فيلم (هيركليز) وطبعا كانت زيارة مبهرة ومؤثرة. في ٢٠٠٥.. الحلم بدأ يتحقق، جاتله فرصه انه يكتب اغاني مسلسل (البديل) the replacement النسخ العربية ودا طبعا مع ديزني وباشراف ستودوهاتهم.. وبعدها.. ترجم اغاني: Haunchback of Notredamme 2, Little Mermaid 3, وغيرهم..حكاوي: قي ٢٠٠٥ جمع محمد موهبتين بيحبهم.. كتابة الاغاني.. والقصص، ودا لما انضم لفريق (السطوح) المسرحي وكتب اول قصة محكية بقافية وسجع.. وكانت: معروف الاسكافي.. وهي من قصص الف ليلة وليلة المشهورة. وبعدها.. اضاف لرصيده من الحكي: علي بابا، والشاطر حسن.. وحاجات تانية اهمها مجموعة قصص الانبياءزجل ومسرح في ٢٠١٠ قدم محمد اول عرض شعر علي المسرح مع الشاعر حازم ويفي في امسية اسمها (راس براس) وبعدها اصبح الزجل علي المسرح هواية عنده.نشر وطباعة: في ٢٠٠٨ نزل لمحمد بعض الاشعار في اخبار اليوم (وهي جريدة رئيسية شهيرة في مصر) كترويج لكتابه الاول “اللي ألف ماماتش” لكن للاسف المفاوضات مع اخبار اليوم ماوصلتش للنتيجة اللي ترضي الطرفين.. فقرر محمد نشر كتابه بنفسه واللجوء لدار توزيع وبعدها بدأ محمد في كتابه صفحه شهريه في مجله “احنا” باسم (فيوزات) واخيرا.. في ٢٠١١ نزل اول كتاب لمحمد مع دار نشر كتابي بعنوان اللي ألف ماماتش، وفي ٢٠١٢ نزل كتاب أجمد تلات ليالي"